๐
Longi Tawn Dun Thu Khen Dan
Longi tawn dun um ta le a thu nei tu pan,
tang inn ah zubel khat tuah in,
tual thang zuput haw hi.
Khuabawi pan tangsuak samin nason sak haw hi.
A longi atawn nak mi,
Alongi thei tupa tetti sam in nazo haw in,
A thei tu tei muhnak bang in,
thu nason sak haw hi.
Pule pai danah cun lotawn cu sa talh na ti haw in, vok sumthum in nacawh haw hi.
Pule patei khanlaih ahcun sum um ngawl tak,
vok sum (3) sum (4) tin, lung khen in na cawh haw hi.
Tuah Mawh Dun In Mi Thi Kha Ten Thu Khen Dan
Pu le pai san ah tuah mawh dun in, mi thi kha ta le, a thi tu ten, khua bawi in ah, tual thang zu put (zu bel khat) in, khuabawi pan tang suak te sam khawm in, thu na son sak haw hi.
Tuah mawh dun in mi thi tik kha ta le, a thi tik tu pan, a bo hem poh kuan in, sial pi in mai na ken tik haw hi. Sial pi tuah in, na lei ceng dun thei haw hi. Khua bawi in pen thu a son haw ten, bai buk ngeh pen na
son haw hi
Ngu Ca Nawn Dun Thu Khen Dan
Thu nei tu pan khua bawi in leng ah, tual thang zu put in, mah ten, khua bawi pan tang suak te sam khawm in thu na son sak haw hi. A ngu ca not pan a el lo ta le, thu siam kam in, thu sia tui na in tik haw hi.
Siat tui a in haw tuk ten, khua bawi in pen in tik ngawl in, khuang tang pen, in tik haw hi.
Nou Ca Thu Khen Dan
Pu le pai dan ah a thu nei tu in khua bawi in ah tual thang zu na put haw hi. Khua bawi pan tang suak te sam khawm in, na son sak haw hi. Cang ngui khat sik in ngu kha, nga ngap khat ngu kha, vai nim ngap khat bal in ngu kha ta le ni dang pu le pa ten, cang ngui nga ngap Kheng, vai nim nga ngap kheng tin ti in sa talh sawm (30) ngeh in na cawh haw hi. Sa talh sawm (30) cu vok sum (3) luang khat tuah bang ve hi. Sa talh sawm (30) cu lung khen cawh tin na ti haw hi. Cang Nguingui (1) Khat, nga ngap (I) Khat, vai nim ngap (1) khat, nangu kha zong in lung khen ngch in cawh haw hi. Mah tak pu le pa tei, san ah, kua man ngu ca ngam haw ma hi.
Nu Le Pa Sual Thu Khen Dan
A numei ten khua bawi in ah tual thang zu put in, khua bawi pan tang suak te sam in thu na son haw hi. Pu le pa ten mi ca nu sual pih cu sawn sawt tin ti in, huai ma ta le sial khau vat cat tin ti in, deih vang deih ngawl vang, sial Khat na kuan tik haw hi. Aca a pai ta le a ca cu a tei tian a nu mei in vak sak in, a tei ten a pa no ten na la haw hi. Ca pai tik nung sang, huai vang, huai ngawl vang, sial tei na khum tik haw hi.
Ni dang in pu le pa te cun sawn pai cu, mi tawn thei ti in, a hin ten na that haw hi. A hek in, that ngam ngawl in, a lai ngui khih ngawl in, a mah no na thi tik haw hi. Mi tam saw in khawih nuam haw ma hi. Pa khat pa nih cu a khawih um haw hi. Nu le pa sual cu, huai vang, huai nuam ngawl vang sial khat kuan tik haw hiโฆ. Credit DR AiZaLen
๐๐๐๐๐ ๐๐๐๐ ๐๐๐๐๐๐๐ 