Hindu ideology:
โ๏ธ Hinduism suahkehnak le a darh dan malte a shortcut zawngin rel ta sehla. Babulon pawl cun pathian 3 an nei. Nimrod, Semiramis le an fapa Tammuz an si. Nimrod cu Ni pathian, Semiramis cu Thla pathian le Tammuz cu Arsi pathian ih biak an si.
Cumi ih hrinsuah cu Dragon le Rulpi biaknak a si. Cucun leitlun pumpi a dengsuak. Cuโi Babulon sakhua cun India ram Indus Valley Civilization ruangah Babulon sakhua ihsi ra lut Hinduism khal cak takin a t,hanglianih Buddhism le sakhua dang khal a hringsuak vivo. Hinduism ah pathian ropi 3 an nei. Brahma,Vishnu le Shiva an si.
India ramah Hindu 1,093 billion an um. Cucu 78.9% an si. India ram hi United Progressive Alliance (UPA)Congress party le National Democratic Alliance(NDA) Bharatiya Janata Party(BJP)party lalnak ram a si. BJP cun Principle hnget tak โ Na ram le hnam, na sakhua kilhim awโ ti thupi hmangin India ram hi Hinduism ramih tuah an tum. An ideology cu โ Politics dawibur le Sakhuanak dawibur cawhpolhโ mipi ah hmatheh in State tinah BJP tlinthei dan ding dapin tactic phunphun play kualtu an si.
Khivek ciahin Burmese pawl khal Buddhist sakhua pomtu an si vekin an ideology cu Buddhism a siih, cumi cangsuak dingin ponglak Assimilation policy an fehpi. Kawl timi le Buddies cu rel hran theih, thenhran theih silo pumkhat an si.
Kawl cun โPrincipleโ hnget tak an nei veih cucu, โSakhuanak le Miphun cawhpolh dawiburโ an humcih ringring. Cucu Atom bomb hnakin a hngawng a na sawn. An sungmurilah โ First Burmese โ ti a si ringring. Doctor operation khalih cem thei lo ding thil a um, cucu an sakhuanak le an miphun a si. Na zum asile na zum sual ringring ding.
BJP lungput lannak cu 2019 ah โCitizenship Amendment Bill ( CAB) โ an putluh le โForeign Contribution Regulation Act,( FCRA)โan pass khi Sixth Scheduled huamcin, Scheduled tribe le Christian pawl hrangah a vanduai thlak hlei ce! Foreign ihsi bomnak or sumlut theinak phunphun a block nasa.
Israel le France miphun thawhsal dan:
โ๏ธ Israel hnam a tluksiat hnu khalih an miphun tungdingsaltu cu;
*** Beiseinak petu Jehova hnam thlan an sinak.
*** Leitlun lakih Pathian mit fรป an sinak.
*** Hebrai tong cu Jehova pekmi tong hmaisa le thianghlim ti an theihnak in beiseinak a neih ter.
*** Temple sak lai le tluksiat hnu khalih Israel hip khawmtu cu nitin Jerusalem lam hawiih voithum an thlacamnak cu anmah hip khawmtu magnet a si.
*** Israel thlah tungdingsaltu ngaingai cu an Jehova a siih hleiah, an Juda sakhuanak le an hnam sinak a si.
Kannih cu sakhuanak thuhman hmanseh tong khat hmang kan si lonak Phunhnam tong in mi a thenthek thluh.
France ram khal 1789 France Revolution tiang kha tui France tong an hman mikhi mi za ah 50% hman an tling lo. An ram tong dingih an nemhnget laiah a hmang thiamtu tak phei cu; Za ah 12 % hrawng lawng an si hmang.
Italy ram thawhsal dan:
โ๏ธ Phunhnam dangdang Miphun pakhatah tuah dingih poimawh hmaisa cu; A ram mipawl thiam tlan mi le hmangtu tam tong tlanglawn sersuah hi a si.
Italy ram 1870 kumih tlu darh thluh an hui khawmsal dan cu an cozah le hnam tong dingah Tuscany bial tong hman mi tui Italian tongih ra dingsuak mikhi a si.
An ram tong dingah an nemhnget ih, cui tong hmangtu cu a ramsung mi, za ah pahnih le hrek % lawng an si. 97 % ai tam tong dangdang hmang an si. Hmanseh, reilote ah cuโi tong cun a hui khawmih tong khat hmang Miphun ah an cang ta riai aw!. Cutin Italy ram cu Tuscany tong khat hmang Italian in an dingsuak sal. Kannih teh ziang tong tak hmangin dingsuak leh keici maw!.
Zoram Khawvel part 1-8 ngantu Pu L Keivom cun hitin a rak ti. โ Hmasawnnak zinzawh si loih mai tap pi tong thihcilh tumih puan lukhuh ih ittu cu, a khuhawknak puan cu a ruang tuamnak puan a si hngal ti a hngilh lo a thaโ a ti.
โ๏ธ Leitlun an mai tongih rak tuamtu British Parliament cun โSlave tradeโ(Sumdawnnakih sรขlneih) cu 1807 ah a khapih 1833 ah a ramsung sรขlpawl a suah hai.
*** Abraham Lincoln khalin 1863 kumah America ramih sรขlpawl a suah.
*** Mizoram khalin Sรขl/Bawi 1426 an neih mi cu mirangpawl duhdan in an suah zalen ve a sikha.
*** 1 April 1894 kumah Mizoram in โA AW B an zirthawk ih 1906 kumah Middle School an nei. 1944 kumah High School, 1958 ah College an neiih tuah College 22 neiin Doctorate Degree tiang an pe thei.
*** Rev.D.E.Jones in โLeitlunah mi eng an tam bik naโn mi ngo an fimin an lal bikโ a ti bangin, British pawl cu โ direct ih mi uk dan le Indirect ih mi ukโ an rak thiam nasa. Mizoram le Chin ram khal โ Indirect Administrationโ in an rak uk hai.
*** Aizawl khawpisung bikah College 16 a um.
*** Mizoram sungah Sizung 96 a umih Aizawl khawpisung bikah Sizungpi 19 a um.
*** Mizoram in District Court le Gauhati High Court-Aizawl Bench an nei.
*** Mizo/Duhlian tong timi rak promotes tu Sailo Lalpawl kha Ngawn thlah Sihsing ih tu 2 nak Zahmuak ih tesin fapawl an si.
(Thenkhat ngantupawlin Sihzang thlahin an rel nan a dik lo. Sihsing khi minung hmin a siih Ngawn Lal cithlah an si.)
Thu laknak:
Cabu 17 sung ta lak khawmmi le Goggle ta ka lak mi a si.
๐๐๐๐๐ ๐๐๐๐ ๐๐๐๐๐๐๐ 