SA AIH TEN A KUL MI LE, LA SAK DAN, DAK KHEN DAN.
Saaih ten sa ai tu pan cawh pi bel ( 1 ) khat, zan hun bel bel ( 1 ), lu pu in, sain aihaw hi.
Siah au in a lik in pan haw hi, pa pi khung hem poh in, aw e tin na lik haw hi.Mah sung ah in sa ai tu pan sang aw sang aw,siah lu sang aw, buan nial sang aw, lung lul len hung aw, kam kei len hung aw, a ha pak hung aw, a ho suak hung e, sim hawl e, ( Za Tin ) pu, zo hawl e ( Za Tin ) pu, Za Tin pu kap e man zo ei, tin na au haw hi.
Vei5 lik in saha zawl au haw hi.
A celh haw ten a tawp leh nak ah, zing khalh tei tawn khal, eih theih na ve leh, hawl ta le ei sing, hawl ngawl vang ei sing tin sa in, saha zawl in ceng haw hi.
Saaih auten ( Za Tin ) tin ngat mi cu sa lu pu pai min khi sal haw hi.
Siah au ten,
Ngaih to pawl ten – Mang Lun siah.
Sih sing ten – Len Thuan siah.
Hup biang ten – Do Ling siah, tin naau haw hi.
A celh nak ah dak khenvang a manlang thek in, pal kawn dim, pal kawn dim,
Palpal kawn dim,
Palpal kawn dim tin kheng in na ceng haw hi.
Ngawn van silh zincimuh na thei nuam ta le pu le pai neih mi dan pha no thei tuk zuam in hi.
NGAWN CHIN CULTURE SA AIH DEM DUN NAK LE A CO HAW MIPu le pa ten sa aih cu demdun nak in mang haw hi.
Pa no sa ai ngawl cu a thih haw ten sei sem ngah haw ma hi.
A thih haw ten nu mei bang in, ke huang in koih haw hi.
Mah tak heh tin, sa vai in, sa ai tuk in zuam haw hi.
Sa aโaih haw ten in tual ah mei sem in, cawh pi zu hut in, vok ngo in na ai haw hi.
Vei thum ai te cu a thih haw ten, sei sem sem khat ngah haw hi.
Mah pawl te cu asei sem haw com in , a vang in phan haw hi.
Sapi ngah ten vok aโngeng tuah in phel phah in, na ai haw hi.
Sapi kapte cu sei sem sem nih ngah haw hi.
Mei pual vei tam pi sem in, vei sawm ai te cu, a thih haw ten, sei sem sem nih ngah haw hi.
Sei sem cu zing cilcel in, phan in, lei phiat in sei sem tak haw hi.
Pu lepa ten adem dunhaw ten, thinkhek vei aizong khek, sawlphah vei aizong phah tin na demdun haw hi.
Zangsial-sai kapten, bawmlang sacim tin-mi nadem haw hi.
Sialkap, saikap cu , asa puak hawnak tuk bawmlang kulhang in,
Veitam pi aiten,vok tuah in phel phah in, zu sawng hung in ai haw hi.
Thin khek tih cu in pen vok tuah, sial tuah aih khi son haw hi.Sawl phah cu ngam pen, lem tham ngah khi son haw hi.
Sapel angah cu nazawh ngeu nammat tin demhaw hi.
Sa vei tampi ai in, conngle lam tuah a thuah pawl te cu, a thih haw ten, kem pen mei pual sem in , ngal la sa in,khua taw la sam in,a sa ei pawl ten, zu sawng tuah in na ai leh haw hi.
A zo ngawl pawl te cu, in tual pen mei pual sem in, ta vung lual ko lam in cawh pi hung in lam haw hi.
Pu lepa ten tangvak khi nasunsak zet haw hi.
“Ngawn Chin Pu le Pa tei La”
1-Kengleng ii lai hawh tuk,
2-Nu tei cakmual hawh tung,
3-Ii dek tuk kam ci law?
4-Baal cuuk cawh lawh tung,
5-Kei khut khat no khiak aw,
6-Zan kham leh tuk mangโฆ.
7-Kham maw kham ma kam ci law..
8-Kham pik pek pah ing
Theih kul mi
Pu le pa tei Dawng sawm an zan zei nak la hi.
Khua khat le khat cun ngawl nak vang um thei hi. Mah na ven, Miphun kilkhawl nak pa khat nahi hi..
Posted by Rev Dr Joshua Ai Za Len
Saek la tengtol in tumtuk hi – Tengtol atumtu-Pian Cem
Lungdam
๐๐๐๐๐ ๐๐๐๐ ๐๐๐๐๐๐๐ 