𝐓𝐮𝐤𝐮𝐦𝐌𝐚𝐲,29/2023 𝐧𝐢𝐂𝐡𝐢𝐜𝐚𝐠𝐨

𝐍𝐠𝐚𝐰𝐧 𝐩𝐚𝐰𝐥𝐤𝐨𝐦 𝐩𝐢𝐜𝐧𝐢𝐜 𝐡𝐚𝐰𝐡𝐧𝐚𝐤

𝐍𝐡𝐚𝐢𝐡𝐬𝐮𝐭 𝐛𝐚𝐭𝐧𝐠𝐚𝐰𝐥 𝐭𝐚𝐰h𝐝𝐮𝐧 𝐧𝐚𝐤

𝐌𝐮𝐡𝐝𝐮𝐧 𝐚𝐰𝐧𝐠𝐧𝐠𝐚𝐰𝐥 𝐦𝐮𝐡𝐝𝐮𝐧 𝐧𝐚𝐤

𝐇𝐮𝐢𝐡𝐤𝐡𝐢 𝐭𝐡𝐢𝐚𝐧𝐠 𝐡𝐮𝐩𝐧𝐚𝐤 𝐡𝐦𝐮𝐧

~Ngawn pupa Awn~

Pautiam

Suulkhuh

Kongkia

Cawn

Sakhau thawl

Patau

Unau melmak

Cuno

Tuai

Khuazing

Zuhmom

Lamsa

Sih

Zaalpai

Zalngaih

Aike tuicawi

Meisial

Thinlai tuitan

Seisem

Dongdawh

Zuanu

Zuapa

Leilel

Haikal

Sendai

Sawm

Thingketau

Salun tuicawk

Maimang

Lun

Palamtawn

Thinlai tuitan

Lenlungsial

Banzaal

Cin le tuai

Kawlni daang

𝐋𝐞𝐧𝐥𝐮𝐧𝐠𝐧𝐨

Kalai cangkhat bek no cu,

Theihngawl tei Khenlawng lei ah.

Tuangno dingleng napantih….

NGAWN AWN / NGAWN MIPHUN AWN

1. Ngawn awn, ngawn miphun awn.

2. Ngawn awn, pupa awn,

3. Ngawn awn, zuanui awn,

4. Ngawn awn, zuapai awn,

5. Ngawn awn, awnkam mawi,

6. Ngawn awn, pianpih awn,

7. Ngawn awn, ei mu awn.

8. Ngawn awn, mai awn.

9. Ngawn awn, awn cangkim,

10. Ngawn awn, awn theih baih,

11. Ngawn awn, awn pahcawi,

12. Ngawn awn, awn man bel,

13. Ngawn awn, awn zaknop bel,

14. Ngawn awn, awn lembel,

15. Ngawn awn, ot nop bel,

16. Ngawn awn, awn tingcak bel,

17. Ngawn awn, awnkam humbel,

18. Ngawn awn, zil nop bel.

19. Ngawn awn, man nop bel,

20. Ngawn awn, nembel,

21. Ngawn awn,mang in nunkhua asa mite hung.

NGAWN AWN PIAN NAK

Shinshingaywa is five villages ( VaYang, Siti Inral, YawLu, Shielshi) . Shinshingaywa is often spoken of by “Burman’s” language. “THE CHIN HILLS, CAREY & TUCK, Vol. II, Pp.Xlix, 1896”

Ngawn language derived from Burman’s language. Ngawn language is from Burman which is called Tibeto-Burman.

Ngawn awn cu Burman awn pen piang mi hi. Burman tih mi cu Tibeto-Burman / Tibetan- Burman khi son hi.

Burman awn tih cu Kawl awn “kha Ma” hi. Kawl awn pian nak cu “Palih” awn pen piang mi hi.

Burman awn le Kawl awn cu a dang tek hi.Pian nak cun kha ma hi.

Ngawn awn cu Babylon uk nak bo in, Persian uk nak sung ah Daniel khan Israel tei suah keh nak awn pen piang mi bel tuk, tin ngaih sung theih mi awn na hi.

NGAWN AWN cu “upa bel” / masabel/ upabel awn (oldest language) pakhat hi, tin ngai sung theih mi awn na hi.Centeral Chin hills awn te cu Ngawn Awn pen piang bel tuk tin ngai sung theih hi.

Ngawn Awn cu Pathian piak mi awn hi. Upat thiam kul hi.

1# Ref:- THE CHIN HILLS, CAREY & TUCK, VOL.II, Pp. Xlix, 1896.

CHIN PIAN NAK.

Chin tih mi cu: –

CINA tih mi awnkam pen le CIN tihmi awnkam pen CHIN tih mi tul hi. Mahmi CHIN pen CHINA tih mi tul hi. CIN tih mi awnkam cu PERSIAN awn pen tul mi hi, tin CIN history sung ah record in um hi. The word “CHINA” is derived from the PERSIAN word “CIN” .Mahmi CIN cu ailai pen tul kaw tih a zohleh hawten, Persian miphun Sanskrit tei awn “CINA” pen tul mi hi tin, record in um hi. (..,(….) which is from the Sanskrit word “CINA” .

CINA pen CIN ah, CIN pen CHIN ah, CHIN pen CHINA ah tin a tul mi na hi. China in the Middle Ages record zoh leh ten, China” cu Persian awn “CIN” pen tul mi tin ngan hi. The word China ” is derived from “CIN” (….) a Persian name.Mahten, Europe, Marco-Polo lamah miphun pungzai zet in um haw hi. China in the Middle Ages lam ah a hen haw tecun, CIN cu QIN (…) pronounced “CHIN” tin, ngat in um hi. Mah mi Chin miphun tei umnak cu Chinese kingdom ngam sung western lam ahcun “CHIN” tin nunkhuasa in um haw hi.CIN or QIN miphun te cu Tibeto, Mongoloid miphun te haw hi. CIN or QIN miphun cu, CHIN dynasty (BC221-206) neitu mi phun tin ngat in umta hi.

CHIN tih cu Persia miphun Sunskrite awn CINA pen le Persian awn” CIN” pen QIN “pen CHIN ah tin a tul mi na hi hi. CHIN dynasty nei tu hi.”We are Chin” tih cu ciang hi.

Theih kul Chin tih mi sung ah Ngawn um hi tih cu thei kinken ten ta un hi.

2#””” LAI LUN”””

Tihmi awsuahdan le theih kulmi

Lai Lun tih mi awn kam…

Lai …tih cu lai cin, suahpih, u le nau, miphun pih tik nak hi.

Lun… tih cu vai,tai, thawn, khuai thawn a thawn, a group a thawn tih nak le

Hausa, milian tih nak na hi.

Lai Lun tih cu Ngawn ngam Ngawn awn pen tul bel tuk tin muh theih hi.

Lai Lun tih mi ailai ah um kaw? tih zoh ten VA ZAANG khua ah le SUNTHLA ah Lai Lun tih mi um hi.

Va Zaang Lai Lun cu VaZaang khua bangla tawng inn sak ah mualsang thing nim tukhang khat um in,Vazaang khua sat tu Pu Lun Zom in mah Lai Lun Zuan in khua na sat hi ,tin pi Kulh Lem le khuapa khua nu ten na son haw hi.

Mah Lai Lun cu mual hum suang pi nuai ah, kua thuk zet,zal zet um in, mah Lai Lun hum pen po mi, mawng kung, li kung, zomsaei kung te a ngah min ten vapual, vano phunkim ten taan haw hi. Mahmi cu LAI LUN tin sam haw hi.Lai Lun cu tukhaang thing nim haduah in a um tak cu, Vapual ,vano phunkim tei kawl zaang bang in tak nak, cotnak tin VaZaang tin khua min na sa ung hi tin le mihempoh ten hawza zet haw tin HawZaang min sa ung hi tin,Pi Kulh Lem le khuanu khuapa ten na son haw hi. Tu nung kum 200 pawl ngei laih ah khin, mah Lai Lun mualpi cu kaih naven, Lai Lun kua cu sia kha ngawl in um hi.

Ngaalpi veinih tho ten, Brtish Levi ngal kap 300 cu VaZaang khua ah ha 3 sung sakhan chiah haw hi. Japan ten van hum pen Vanzuang tuah heleheh tin, bom a khiak haw ten Mikang Levi ngalkap 300 te cu mah Lai Lun kua sung ah bu haw hi, luat nak ngah haw hi.VaZaang cu ngalpi veinih nak lamzin pi na hi.

Mah Lai Lun bul ah cun suang kua panih um bok hi. Pakhat cu mithi phum nak Cawnsin ngol tin sam haw hi, mi lian, upa, hausa vui nak hi.

Pakhat cu Suangnu ngol tin sam haw hi.Mi nauta , mizang pawl le sendai pawl te vui nak hi. Ka tangval tian in, mah lai ah cun pu le pa tei nguh ngeh um hi. Mah ten tapidaw le zusung ngol tin a khen haw ten,hi ngol panih te cu zam thong in um ta hi.Mahten khipi, khimkul, kep, cau, te manpha in a um ten, mahmi ngol pa nih lal thong ta hi. Poi zet hi.Tucun mithi nguh muh tuk vaangta hi. Mahmi Lai Lun kua cu VaZaang khua taw inn nuailui tian paihleng hi tin pu le pa ten na son awng hi.

Tuni tian Lai Lun tin le Lai Lun kua tin um ta hi.

” LAIMI cu Lai Lun ih sin suak mi kan si ” an ti.Lai Mi cu Lai Lun pen tul ung tin ti haw hi, cang thei tuk nem tim maw? Ngai sung teh in, Sunthla Lai Lun cu, suang kua neuno bek si.Laimi hempoh mah laipen tul tuk cu cang thei awh ma hi.

STEVENSON aibu “”Centeral Chin Tribes”” sung ah zohten, LAIMI cu KHAWRUA pen tul tin ngan hi.Oral history sangin, record history hi pom saw awh si.Geography lam zo tele Chin miphun te cu, Kalay pen Chin hills ah kai haw a tih ten mi, Kalay pen VaZaang Lai Lun nai saw hi,Sunthla Lai Lun Khuala saw hi. Mah tak LAI LUN tih cu VaZaang Lai Lun saw khi bel tuk hi.Lai Lun tih a pian pat nak cu VaZang pen piang bel tuk tin, khua nei tu ten son haw hi.

Ngaih sut tuk tampi um hi.Lai Lun tih cu U le nau Miphun pih tei luatnak na hi.

By Saya Mang.

#crd

By Saya Mang.

#crd

share theih leleng hi